Nyagatare District

Ku mugoroba w'uyu munsi, Abayobozi mu nzego zitandukanye mu Karere bifatanyije n'abatuye mu mujyi wa Nyagatare muri siporo ya nijoro,
yatangiriye ku Kiyenzi, isorezwa kuri sitade ya Nyagatare, ahakorewe imyitozo ngororamubiri.
Iyi siporo idufasha kugira ubuzima bwiza no kurwanya indwara zitandura.

Umuyobozi w’Akarere wungirije ushinzwe Iterambere ry’Ubukungu, Matsiko Gonzague, yashishikarije abitabiriye gukomeza kugira siporo umuco, kuko igira uruhare rukomeye mu kubungabunga ubuzima no kurinda indwara. Yasabye abitabiriye kwirinda inzoga zitujuje ubuziranenge, ibiyobyabwenge n'urugomo, gusigasira ubumwe n'ubudaheranwa bw'abanyarwanda, gukomeza kwitabira ibikorwa byateganyijwe mu kwezi kwahariwe urubyiruko rw'abakorerabushake, gutanga amakuru y'abana bataye ishuri no kubagarura mu ishuri ndetse no kwirinda amakimbirane yo mu muryango hagamijwe kubaka uburyango ushoboye kandi utekanye.

#NyagatareNightRun

VIDEO: Abakinnyi b'Akarere bakina imikino y'abantu bafite ubumuga , barishimirako, iyi mikino yabakuye mu bwigunge kandi ikabafasha no kwiteza imbere.
#HeheNicyuma

Itangazo : Kwakira kandidatire z'abifuza kuba Abajyanama b'Akarere.

Kuri uyu wa gatanu, Umuyobozi w’Akarere Wungirije Ushinzwe Imibereho myiza y’abaturage, @murekajul yifatanyije n'abaturage bo mu Murenge wa Rwimiyaga, Akagari ka Kabeza mu muganda wo kubakira umuturage utishoboye, wateguwe ku bufatanye bw’Akarere na SOS Rwanda. Abaturage bashyikirijwe amabati 480, bazakoresha mu gusakara inzu zabo.

Visi Meya @murekajul yashimye cyane uruhare rw' abafatanyabikorwa mu guteza imbere imibereho myiza y’abaturage, anasaba abafashwa muri ubu buryo kwita ku bikorwa baba bashyikirijwe kuko biba byabaye ibyabo.

UMUGANDA W’UKWAKIRA 2026

Amatora yo ku rwego r'Umurenge azaba tariki 07/11/2026.
#Amatora2026

Are you ready this Sunday⚽️⚽️⚽️Secure your matchday ticket now by dialing *939*3*1#.

Kuri Cyumweru saa 15:00 Duhurire kuri Sitade ya Nyagatare gura itike yawe hakiri kare *939*3*1#

Mu myaka itanu ishize, ibikorwaremezo by'ubuvuzi byariyongereye, hari amavuriro mato yo ku rwego rwa kabiri agera ku 10 amaze kubakwa, atanga ubuvuzi bw’amenyo n'amaso ndetse akanatanga serivisi z’ububyaza n'izindi.

Kuri ubu mu Karere hari ibigo nderabuzima 20, amavuriro y'ibanze (Health post) 86 n’ibitaro by'Akarere bibiri.

Abaturage barishimira iterambere urwego rw'ubuzima rumaze kugeraho.

🎥 Nyagatare: Abarimu basabwe kuba urumuri rw’abanyeshuri

Ubuyobozi bw’Akarere ka Nyagatare @NyagatareDistr bwibukije abarimu ko imyitwarire yabo igira uruhare mu burere bw’abanyeshuri, bubasaba kurangwa n’indangagaciro nziza no kuba intangarugero.

Ubu butumwa bwatanzwe ubwo hizihizwaga Umunsi Mpuzamahanga wa Mwarimu mu Murenge wa Karangazi, hanashimirwa ibigo by’amashuri byitwaye neza.

youtu.be/LxX28et8yNY?si…

Mu Karere ka Nyagatare hari kubera biganiro by'abagize amahuriro y'ubumwe y'ubudaheranwa bo mu Turere twa Nyagatare, Gatsibo na Gicumbi, hagamijwe kuganira ku mateka y'igihugu ndetse n'urugendo rw'ubudaheranwa mu myaka 32 Jenoside yakorewe abatutsi ihagaritswe.

Umunyamabanga wa Leta muri @RwandaLocalGov, @mskayisire, Guverineri w'Intara y'Iburasirazuba @PudenceR, Abayobozi n'abahoze mu nzego z'Ubuyobozi, abayobozi b'amadini n'amatorero n'abahoze muri izo nzego, inzego z'umutekano, abahagaririye ibyiciro byihariye, abikorera n'abandi bafatanyabikorwa batandukanye bitabiriye ibi biganiro.

Guverineri @PudenceR yashimiye Minubumwe, Unity Club n'izindi nzego zagize uruhare mu gutegura iri huriro, avuga ko ari umwanya wo kuganira, gusangira ubuhamya no gufata inshingano mu gusigasira ubumwe n'ubudaheranwa bw'abanyarwanda.

Yagarutse ku mateka yaranze ibice bitandukanye by'iyi Ntara y'Iburasirazuba haba mu isenyuka ry'ubumwe bw'abanyarwanda, kuvutswa amahirwe n'uburenganzira kuri bamwe, ariko kandi iki gice cya Nyagatare kikaba cyarabaye irembo ryo kubohora u Rwanda.

Yagarutse ku byagezweho muri iyi Ntara byubakiwe ku bumwe n'ubudaheranwa no ku mahitamo yakozwe n'abanyarwanda yo kuba umwe mu kubaka Igihugu, haba mu guha abaturage amahirwe angana muri politiki zitandukanye zigamije iterambere n'imibereho n'ibindi yongeraho ko ubufatanye bwa buri wese ari yo ntambwe izatuma tugera aho twifuza.
Atangiza ibi biganiro, Umunyamabanga wa Leta muri Minisiteri y'Ubutegetsi bw'Igihugu @mskayisire, yavuze ko ibi biganiro ari umwanya mwiza, aho abayobozi mu nzego zitandukanye, n'abandi bafatanyabikorwa bicara bakaganira ku mateka Igihugu cyacu cyanyuzemo no gufata ingamba ku nzitizi zikigaragara.
Yabwiye abitabiriye iri huriro ko kuba igipimo cy'ubumwe bw'abanyarwanda cyaragiye kizamuka, byerekana ko hatewe intambwe ishimishije ariko ko tugifite akazi ko gukora ngo tugere ku 100%, asaba ubufatanye bwa buri wese no kudatezuka mu kubaka Igihugu cyunze ubumwe.

Urubyiruko rw’abakorerabuhake mu Karere ka Nyagatare @NyagatareDistr rwiyemeje kurangwa no gukora ibikorwa byiza bigamije guteza imbere imibereho myiza y’abaturage, aho muri uku kwezi kwahariwe bikorwa byabo bahamya ko kuzajya kurangira abatishoboye bagera kuri 28 barubakiwe inzu mu rwego rwo kubafasha guteza imbere imibereho myiza yabo n’iterambere muri rusange.
...
Soma inkuru irambuye unyuze hano 👇

muhaziyacu.rw/amakuru/nyagat…

Uyu munsi, hirya no hino mu Mirenge igize Akarere hizihirijwe umunsi mpuzamahanga wa Mwarimu ku nsanganyamatsiko igira iti: “Gushyigikira abarimu: Imyaka 60 yo kurengera umwuga w'uburezi, kuwuteza imbere no gutegura ahazaza hacu.”

Umuyobozi w’Akarere Wungirije ushinzwe imibereho myiza y'abaturage Murekatete Juliet ari kumwe n’abandi bayobozi mu nzego zitandukanye, bifatanyije n'abarimu bo mu Murenge wa Karangazi, ahizihirijwe uyu munsi mpuzamahanga wa mwarimu ku rwego rw'Akarere, mu kigo cy’ishuri cya GS Rwisirabo.

Mu gitondo cy'uyu munsi, hirya no hino mu Mirenge igize Akarere, Abayobozi mu nzego zitandukanye bifatanyije n'abaturage muri siporo rusange. Ku rwego rw'Akarere yatangiriye ku Kiyenzi isorezwa kuri sitade ya Nyagatare, ahakorewe imyitozo ngororamubiri. Iyi siporo idufasha kugira ubuzima bwiza no kurwanya indwara zitandura.

Abitabiriye siporo bibukijwe gusigasira ubumwe n'ubudaheranwa bw'abanyarwanda, kwitabira ibikorwa bizakorwa mu kwezi k'ubukorerabushake, kurwanya indwara zitandura, gushishikariza urubyiruko n'abakuze kurwanya inzoga n'ibindi binyobwa bitujuje ubuziranenge, gusigasira umutekano, kwirinda ibiyobyabwenge, kwishyura ubwisungane mu kwivuza no kwirinda ubwandu bushya bwa virusi itera SIDA.

VIDEO: Ibyagezweho n'Imparirwakurusha z'Akarere ka Nyagatare muri Manda y'Imyaka itanu (2021-2026).

Umuyobozi w’Akarere ka Nyagatare @NyagatareDistr w’agateganyo Kakooza Henry yasabye Abapasiteri bakorera umurimo w’ivugabutumwa muri Nyagatare kuba aba mbere mu gufasha ubuyobozi guhindura imyumvire y’abaturage cyane ko bigaragara ko abakozi b’Imana aribo bakunze guhura cyane n’abaturage.
...
Soma inkuru irambuye unyuze hano 👇

muhaziyacu.rw/amakuru/nyagat…

Kuri uyu wa gatandatu, mu Karere hateranye inama isanzwe y'Inama Njyanama y'Akarere, iyobowena Perezida wayo @WKabagamba, iyi nama yari igamije gusoma no kwemeza inyandikomvugo y'inama iheruka, kugezwaho raporo z'igihembwe cya mbere 2026-2027 no kwemeza umushinga w'ingamba z'Akarere zo kuzamura umusaruro w'ibikomoka ku buhinzi n'ubworozi.

Perezida w'Inama Njyanama @WKabagamba yasabye abayitabiriye gukurikirana imikorere y'amatsinda ya Mituweli, gushyira imbaraga mu itangwa ry'imisoro hibandwa ku bantu bafite ibikorwa byakabaye bisora ariko ntibisore, guteza imbere ubuhinzi n'ubworozi bikajya mu nshingano za buri muntu no kubyigisha abaturage.

Basabwe kandi gukurikirana ibikorwa by'amatora byegereje, bakigisha abaturage kugira ngo amatora azagende neza.

Uyu munsi, hirya no hino mu Mirenge igihe Akarere hatangijwe ukwezi kwahariwe ibikorwa by'urubyiruko rw'abakorerabushake ku nsanganyamatsiko igira iti "Urubyiruko rw’abakorerabushake ku isonga, mu iterambere ry’umuturage."

Ku rwego rw’Akarere uku kwezi kwatangirijwe mu Murenge wa Musheri, ahakozwe igikorwa cyo kubumba amatafari , azifashishwa mu kubaka inzu y’umuturage ufite amikoro make.

Urubyiruko rwasabwe kuzitabira ibikorwa byose byateguwe muri uku kwezi k’ubukorerabushake birimo gukora ubukangurambaga kuri gahunda za Leta, gukunda Igihugu no gufasha abaturage kugira imibereho myiza.

Basabwe kandi gusigasira ubumwe n'ubudaheranwa bw'abanyarwanda, gutanga amakuru ku byabangamira umutekano, gushishikariza urubyiruko n'abakuze kwirinda inzoga n'ibindi binyobwa bitujuje ubuziranenge, kwizigamira muri ejo heza, kwirinda ibiyobyabwenge hagamijwe kubaka urubyiruko rufite ejo hazaza heza no kwirinda ubwandu bushya bwa virusi itera SIDA.

Ubwo hatangizwaga ukwezi kwahariwe kuzirikana ubumwe n’ubudaheranwa bw’Abanyarwanda, Umuyobozi w’agateganyo w'Akarere ka Nyagatare @NyagatareDistr, Kakooza Henry yibikije abaturage ko bakwiye kwigira ku mateka yaranze u Rwanda n’Abanyarwanda, bakaboneraho kwimakaza ubumwe mu rwego rwo guharanira ko amateka mabi yabayeho atazongera ukundi.
...
Soma inkuru irambuye unyuze hano 👇

muhaziyacu.rw/amakuru/meya-k…

Ku mugoroba w'uyu munsi, Abayobozi mu nzego zitandukanye mu Karere bifatanyije n'abatuye mu mujyi wa Nyagatare muri siporo ya nijoro yishwe #NyagatareSoberGenNightRun
yatangiriye ku Kiyenzi, isorezwa kuri sitade ya Nyagatare, ahakorewe imyitozo ngororamubiri. Iyi siporo idufasha kugira ubuzima bwiza no kurwanya indwara zitandura.