Northern Province/ Rwanda

This morning, Prime Minister Nsengiyumva joined farmers at Nyarububa Marshland in Rulindo District to officially launch the 2027A Agricultural Season nationwide.

He encouraged farmers to boost productivity and to properly maintain farming infrastructure, both key to sustainable development.
--------------------
Muri iki gitondo, Minisitiri w’Intebe Nsengiyumva yifatanyije n’abahinzi mu gishanga cya Nyarububa, mu Karere ka Rulindo, mu gikorwa cyo gutangiza igihembwe cy’ihinga cya 2027A cyabereye mu Gihugu hose.

Yashishikarije abahinzi kongera umusaruro w’ubuhinzi no kubungabunga neza ibikorwa remezo byifashishwa mu buhinzi, mu rwego rwo gushyigikira iterambere rirambye.

Minisitiri w’Intebe, Dr Justin Nsengiyumva, yatangije igihembwe cy’ihinga cya 2027 A mu Karere ka Rulindo. Iki gikorwa cyabereye mu Gishanga cya Nyarububa ahatewe imbuto y’ibigori, cyitabiriwe na Minisitiri @Dominiquehab, Guverineri @gahundemaurice n’abandi bayobozi batandukanye

Kuri iki gicamunsi, @gahundemaurice ari kumwe n’abagize Inama y’Umutekano itaguye ya @RwandaNorth, bari kuganira n'Abayobozi n'abakozi ba @BureraDistrict ku mihigo ya 2026–2027 n’imishinga y’iterambere, ari nako banafata ingamba zo kunoza no kwihutisha ishyirwa mu bikorwa ryayo

Kuri uyu wa gatanu, Guverineri @gahundemaurice, ari kumwe n’abagize Inama y’Umutekano itaguye ya @RwandaNorth basuye Igishanga cya Gana muri @BureraDistrict, baganira n’abahagarariye amakoperative 26 y’abahinzi ku micungire yacyo no kukibyaza umusaruro, hagamijwe kongera ibiribwa

Guverineri @gahundemaurice, ari kumwe n’Inama y’Umutekano itaguye y’Intara, bifatanyije n’abaturage b’Umurenge wa Muhondo mu Nteko y’Abaturage. Yabakanguriye kwitabira Igihembwe cy’Ihinga 2027 A, kwimakaza ubumwe n’ubudaheranwa no kwitabira amatora y’inzego zegerejwe abaturage

Kuri iki gicamunsi, Guverineri @gahundemaurice ari kumwe n’abagize Inama y’Umutekano itaguye y’Intara basuye imishinga muri #Gakenke, irimo Urugomero rw'amashanyarazi rwa Nyabarongo II, Ikigo Nderabuzima cya Muhondo n’Umuyoboro w’amazi, batanga inama zo kwihutisha ikorwa ryayo

Uyu munsi u Rwanda rurizihiza Umunsi Mpuzamahanga w’abageze mu zabukuru.

Urizihizwa hirya no hino mu Tugari, naho ku rwego rw’igihugu wizihirizwe mu Murenge wa Rutunga muri @Gasabo_District.

Kuri uyu wa kabiri, Guverineri @gahundemaurice, ari kumwe n’abagize Inama y’Umutekano itaguye y’Intara, bari mu ruzinduko rw’akazi mu Karere ka Gakenke. Baraganira ku mihigo ya 2026–2027 n’imishinga y’iterambere, ari nako banafata ingamba zo kwihutisha ishyirwa mu bikorwa ryayo

Kuri iki gicamunsi, Guverineri @gahundemaurice yasuye abaturage b’Umurenge wa Mbogo, Akagari ka Bukoro muri @rulindodistrict. Bagiranye ibiganiro byibanze ku guca inzoga zitujuje ubuziranenge, kwitabira igihembwe cy’ihinga 2027 A. kwitabira amatora y’inzego zegerejwe abaturage...

Kuri uyu wa gatanu, Guverineri @gahundemaurice, ari kumwe n’Abayobozi b’Inzego z’Umutekano mu Ntara n’Ubuyobozi bw’Akarere ka Rulindo, basuye imishinga y’iterambere itandukanye, bareba ibibazo bihari banafata ingamba zo kubikemura, hagamijwe guteza imbere imibereho y’abaturage

Uyu munsi, Guverineri @gahundemaurice yifatanyije n’abahinzi b’ibireti bo muri @RwandaNorth mu gikorwa cyo kubashimira uruhare rwabo mu guteza imbere ubuhinzi bw’ibireti n’ubukungu bw’Igihugu.
Iki gikorwa cyateguwe na HORIZON SOPYRWA, cyabereye mu #Kinigi muri @MusanzeDistrict

Minisitiri @U_Consolee yagaragaje ibibazo bikibangamiye umuryango muri @RwandaNorth, birimo inda zitateganyijwe mu bangavu, ihohotera rishingiye ku gitsina, ubusinzi... Yasabye amadini n’amatorero kunoza ubufatanye na Leta mu gukemura ibi bibazo hagamijwe kubaka umuryango mwiza

Guverineri @gahundemaurice yavuze ko hakiri intambwe yo kuzamura ibipimo bikiri hasi mu guteza imbere umuryango muri @RwandaNorth. Yasabye abayobozi b’amadini n’amatorero gufatanya na Leta guhindura imyumvire no guhana amakuru hagamijwe kubaka umuryango wishimye, ufite icyerekezo

I Musanze, hateraniye inama ihuje @RwandaGender, @RwandaNorth n’abahagarariye amadini n’amatorero akorera muri iyi Ntara. Abayitabiriye baraganira ku ruhare rw’amadini n’amatorero mu kubaka umuryango utekanye kandi ushoboye hibandwa ku ngamba zo gukemura ibibazo biwugarije

Minisitiri @nmukazayire wa @Rwanda_Sports, Guverineri @gahundemaurice n’abandi bayobozi bifatanyije n’abaturage ba @GakenkeDistrict muri siporo, mu rwego rwo guteza imbere ubuzima buzira umuze no gukangurira abaturage kwirinda ibiyobyabwenge n’ibinyobwa bitujuje ubuziranenge

Minisitiri @U_Consolee yavuze ko umuryango ari shingiro ry’imbaga y’Abanyarwanda, asaba abaturage ba @MusanzeDistrict kuwubungabunga, birinda ibyawuhangabanya.
Yasabye ababyeyi kwegera abana, kubaganiriza no kubatega amatwi no gukemura ikibazo cy’abana bagaragara mu mihanda.

Guverineri @gahundemaurice yibukije abitabiriye umuganda ko mu Kwezi k'Ukwakira hateganyijwe imvura nyinshi, bityo ko buri wese akwiye kwitegura hakiri kare: gusibura imiyoboro y’amazi, gufata amazi aturuka ku nyubako, kuzirika ibisenge neza no kuva mu manegeka ku gihe

Mu butumwa yagejeje ku bitabiriye umuganda, Umuvugizi wa RIB, @Murangira_BT, yagarutse ku mpinduka nziza zigaragara mu Banyarwanda nyuma yo guca inzoga zitujuje ubuziranenge zizwi nk’“ibyuma”. Yasabye buri wese gukomeza kugira uruhare mu kuzica burundu

Ibikorwa byo kubungabunga Umugezi wa Rwebeya ni byo byibanzweho mu muganda rusange usoza Ukwezi kwa Nzeri 2026, wakorewe mu Murenge wa Muhoza, Akarere ka Musanze. Minisitiri @U_Consolee, Guverineri @gahundemaurice n’abandi bayobozi bifatanyije n’abaturage muri ibi bikorwa.

Kuri uyu mugoroba, Minisitiri @U_Consolee, Guverineri @gahundemaurice, Senateri Mureshyankwano, Umugenzuzi Mukuru w’Uburinganire @UmutoniNadine, Umuvugizi wa RIB @Murangira_BT n’abandi bifatanyije n’Abanya-Musanze muri siporo rusange yo kurwanya ibinyobwa bitujuje ubuziranenge.